تئز گؤتور آينا- داراق، گؤستر هُنَر، بايرامدايي
گيزليجه ائوده بزهن بير مختصر، بايرامدايي
اركك اوْلساندا، قاشين آلتين گؤتور، ساپ سال اوزه
آزجا روْژ، بيرده ريمئل چكسهن، يئتهر، بايرامدايي
ايندي موْددور، ديرناغا لاكدا ياخير اوْغلان- كيشي
«اس.ام.اس»له وئرمهييب كيمسه خبر، بايرامدايي؟!
وئرديلر بير يئرده آيليق، همده بايرامليق بيزه
گؤستهريب دؤولت بو ايل بوْللو هُنَر، بايرامدايي!
چوْخ كلان پولدور، اينان، بير يئرده بئشيوزمين تومن
مين بئله بايرام گله، خرجين گؤرهر، بايرامدايي!
وقتيدير آرواد- اوشاق پالتار آلا اوْن يئددي دست
هم ائده آوروپايا قيرخ گون سفر، بايرامدايي!
قوْي تورّم عرشه قالخيب، لاپ اوْلا دوْخسان فاييز
كارمنده ايگنهجه وورماز ضرر، بايرامدايي!
مئيوه- آجيل قيمتي لاپ كهكشاندان آشسادا
اينجيدهنمز بيزلري بير توك قدهر، بايرامدايي!
پوسته اوْلمازسا، قوْناق ايگده يئيهر اوچ- دؤرد دنه
موْزدا يوْخ؟ وئرريك بادمجان- گولبهسر، بايرامدايي
قوْي «فاطي» بايرامدا دا قالسين تومانسيز، عيبي يوْخ
اصل اوْدوركي، اوْلموشوق چوْخ بختهور، بايرامدايي
وورسا مُحكم يومروغون هر لحظه دوشمن آغزينا
دونياجا خوشبختليك احساس ائدهر، بايرامدايي
سنده پولسوزسان بيزيمتك؟ يوْخ جيبينده بير قيران؟
هئچ اوتانما، سوْوقاتين يوْخدور اگر، بايرامدايي
بير قاييش بايرامليق آلسان بيزلره، بسدير، داداش
چونكي لازمدير داها محكم كمر، بايرامدايي
امر ائديبلركي، كمر بونداندا چوْخ برك باغلانا
چون گرهك ائتسين قناعتلر بشر، بايرامدايي
بيزلرين قارني، قاريشقا تك گرهك اوْلسون آريق
وار يئمهك- ايچمهك ده ميليونلار خطر، بايرامدايي!
نؤوروزو تبريك ائدير «آرش» بوتون انسانلارا
سنده چال- اوْينا بوگون، اوْل عشوهگر، بايرامدايي
شعر ملمع قاچ چاي- قند آل! شعر طنز حمید آرش آزاد...
ما را در سایت شعر ملمع قاچ چاي- قند آل! شعر طنز حمید آرش آزاد دنبال می کنید
برچسب : نویسنده : arashazad بازدید : 141 تاريخ : شنبه 17 فروردين 1398 ساعت: 16:56