ياخچاللار بوزلو اوْلار
گؤيلر اولدوزلو اوْلار
«اورمو» گؤلو قوروسا
اؤلكهميز دوزلو اوْلار!
***
قوربانينام اوستاندار
سولار اوْلورو بُخار
علاج اوْدور قوراسان
اللي - آلتميش سمينار!
***
گل بير تدبير گؤتورهك
بو گؤله سو يئتيرك
باشماق، قالي، كاغيذ تك
چيندن سودا گتيرهك!
***
قوراقليق آتيب اوْخو
قورودور واري- يوْخو
عزيز مسؤوللاريدا
آپاريب شيرين يوخو!
***
قوْنشودور ايكي اوستان
بيري لعل، بيري مرجان
مسؤوللاري چاليشسا
بو گؤل اوْلار نمكدان!
***
كئچدي قيش، گلدي باهار
داها بسدير انتظار
مديرله ساغليغينا
بوردا بير «كوير»ده وار!
***
نه گرهك غمه دوْلماق؟
غصهدن، درددن سوْلماق؟
بلكه مسؤوللار دئيير:
«ياخشيدير دوزلو اوْلماق؟!»
شعر ملمع قاچ چاي- قند آل! شعر طنز حمید آرش آزاد...
ما را در سایت شعر ملمع قاچ چاي- قند آل! شعر طنز حمید آرش آزاد دنبال می کنید
برچسب : نویسنده : arashazad بازدید : 156 تاريخ : چهارشنبه 10 بهمن 1397 ساعت: 11:58