هامي نين حالي اولور زار و پريشان سنه نه !
ايشلري چوخ دا اولوب بي سر و سامان سنه نه!
يوزدن آرتيق غزئتي توقوف ائديبلر نه ائده ك؟
يازيچي ، شاعيره ده كسديله زيندان سنه نه!
باش رئيسلر هامي سي پستو لار ايچره سيخيليب
قاپي آغزيندا دوروبدو نئچه دربان سنه نه !
آفتافا اوغروســـونا وئرمه لي ييق بوللو جزا
دولانير راحت و آسوده بو دزدان سنه نه !
ظاهيري دوزدو اولوبدور ائله سلمان ساياغي
باطينَن درس آلير اوندان نئچه شئيطان سنه نه !
دوزدو كي قبرين آشيب قيمتي هر بير نه چي دن
وجهينه اينسان اولوبدور بئلـه ارزان سنه نه !
تيرياكي ، بنگي ، حشيشي تؤكولوبدور كوچه يه
قده غان ائيله ديلر قهوه ده قليــان سنه نه !
شاعيرين يازديغي جانان نئجه گؤر گؤرمه لي دير
چنه سينده واري دير چاه زنخدان سنه نه !
هر شئيين نيرخينا گونده گليري يوزده اوتوز
آد قويوبدور اؤزونه او حاجي ارزان سنه نه !
حاجي بايرام قاباغي ساتدي نه كي پاسماندا
ايندي كي خلقي سويوب اولدو غزلخوان سنه نه !
هر يانا يئل كي اسير اسمه ده دير او طرفه
اوينادير هر دؤنه ده بير جوره فينجان سنه نه !!
محمد رحیمی شاعر و طنز نویس
+ نوشته شده در یکشنبه دوازدهم شهریور ۱۳۹۶ساعت 11:53 توسط حميدآرش آزاد |
شعر ملمع قاچ چاي- قند آل! شعر طنز حمید آرش آزاد...
ما را در سایت شعر ملمع قاچ چاي- قند آل! شعر طنز حمید آرش آزاد دنبال می کنید
برچسب : رحمتلیک,حميدآرش,جولوجولويه,قالمادي,توپلوسوندان,شعرين,ترجومه, نویسنده : arashazad بازدید : 206 تاريخ : پنجشنبه 30 شهريور 1396 ساعت: 15:06