گئنه بايرام گليب، گئتدي! شعر طنز حمید آرش آزاد

ساخت وبلاگ

آخرین مطالب

امکانات وب

«الا، يا ايهاالساقي، ادر كأسا و ناوِل»‌لر!

گئنه بايرام گليب، گئتدي، اوركده قالدي نيسگيل‌لر

 

هجوم ائتدي ائوه هر دؤرد طرفدن لشكرِ اعدا

تهاجم‌دن‌ده چؤخ ووردو خسارت بو تناول‌لر

 

سؤكولدو آلمانين بؤيرو، دليندي پوْرتاغال باغري

كسيلدي آرمودون نسلي، جهاندان كؤچدو آجيل‌لر

 

تالاندي خوانِ يغما تك‌ ميز اوسته مئيوه- شيريني

صليبي‌لر كيمي بسكي ائديب حمله بو فاميل‌لر

 

گؤرنده آجيلي، رحم ائتمير اصلا بو قوْهوم- قارداش

خداوندا! بو «هابيل»لر، نه‌دن اوْلموشدو «قابيل»لر؟!

 

بير آي بايرامه قالميش، بسكي عرشه قالخدي قيمت‌لر

بازاردان بوْش قاييتدي سر به سر بيچاره‌ زنبيل‌لر

 

نئجه جمعيّتي ائتسين بو حالدا كنترل انسان؟

مخارجلر! بئله گئتسه، اينان، جوت- جوت دوْغار فيل‌لر

 

مخارج‌ آتلي، آيليق‌لار پياده، يوْل يوْخوش، ياران

بو اوضاعين بيانيندا قاليب عاجز بوتون ديل‌لر

 

بو خرجين عُهده‌سيندن هئچ گَلَنمز يُوخسول- اَيليقچي

مگر ديمديكلريندن ياغديرا مينليك،ابابيل‌لر

 

تعجب ائتمه‌ گر من سالميرام سس، ائتميرم ناله

منيم بختيم ائله ياتميش، اوْيالدانماز صرافيل‌لر

 

+ نوشته شده در  شنبه بیست و ششم فروردین ۱۳۹۶ساعت 8:6  توسط حميدآرش آزاد  | 
...
نویسنده : بازدید : 7 تاريخ : شنبه 13 خرداد 1396 ساعت: 18:58

close
تبلیغات در اینترنت