يازيق ساوادلي شعر طنز حمید آرش آزاد

ساخت وبلاگ

داير اوْلدومدرسه
اوْن‌بئش ايل گئتديك درسه
ايندي بو ليسانس ايلان
حتّي يازميرلار نؤرسه
********
درس اوْخودوق نئچه ايل
هئچ واقت گؤرمه ديك تعطيل
ايندي مدرك‌لريميز
حساب اوْلور زير- زيبيل
*********
نئچه ايل چكديك عذاب
اوْخودوق انشاء، حساب
دلال كباب برگ يئدي
بيزلرده اوْلدوق كباب
**********
اوْخودوق گئجه- گوندوز
دئديك: خوش‌دور سوْنوموز
ايندي بيزه قاليبدير
بير جوت ضعيفله‌ميش گؤز
*********
مدرسه‌ده كيريديك
كلاس‌لاردا چورودوك
گؤيچو شاگرد اوْلسايديق
ايندي ميليونئر ايديك

شعر ملمع قاچ چاي- قند آل! شعر طنز حمید آرش آزاد...
ما را در سایت شعر ملمع قاچ چاي- قند آل! شعر طنز حمید آرش آزاد دنبال می کنید

برچسب : نویسنده : arashazad بازدید : 156 تاريخ : سه شنبه 13 آذر 1397 ساعت: 1:35