وورها وور دونيا! شعر طنز حمید آرش آزاد

ساخت وبلاگ

فلكين رسمي بودوركي، داغي، داغ اوسته وورار

قاينادار يارماني ياغسيز، ياغي، ياغ اوسته وورار

چوخ دئييبلر: دوه اوسته بووه سانجار كاسيبي

چون دوم يوخ، من بدبختي اولاغ اوسته وورار

ايلده بير پونزا ات آلساق چورگه سورتمك اوچون

اونودا اوغرو پيشيك تئزجه اوجاق اوسته وورار

پوللولار داش كلم  اكسه، دولانيب قارپيز اولار

بيز اكن قارپيزي، شاختا گئدي طاق اوسته وورار

وارلي ناحق دئسه، مين يئردن اوپرلر دوداغين

يوز نفر بيزدانيشان حقي دوداق اوسته وورار

برق وار ارباب ائويي گون كيمي ائيلر رووشن

برق ده وار نوكري، نور سه ني داغ اوسته وورار

ايلده دورد دفعه گره ك آرتا كرايه، يوخسا

خانه صاحب بيزي بير شئهلي اوتاق اوسته وورار

رحمسيز آروادين اولده ياتيب بسكي الي

بي مروت شاپالاغي شاپالاق اوسته وورار

شعرده قافيه گاه "قاف" گليب، گاه دا "غين"

فلان اوستاد بئله بير شعري واراق اوسته وورار

مين بهانه ايله وورور "آرش" بدبختي هامي

اوساياق كي اوزمو، سئرچه ميلاق اوسته وورار.

 

شعر ملمع قاچ چاي- قند آل! شعر طنز حمید آرش آزاد...
ما را در سایت شعر ملمع قاچ چاي- قند آل! شعر طنز حمید آرش آزاد دنبال می کنید

برچسب : نویسنده : arashazad بازدید : 177 تاريخ : پنجشنبه 16 آذر 1396 ساعت: 16:23