كيم دئدي،دوزسؤز يازاسان؟! شعرطنز حمید آرش آزاد

ساخت وبلاگ

آخرین مطالب

امکانات وب

شاعر اوْغلان! نه گرَك‌دير سنه دوزسؤز يازاسان؟

كيم دئييب اَيري‌ني، دوزوده دوز يازاسان؟!

بير زمان ديركي، پيشيك قوْرخولو بير قافلان اوْلوب

تولكو- چاققال گئيينيب شئر دوْنونا، آصلان اوْلوب

قارغا ميدان اوْخويور قارتالا؛ سار، طرلان اوْلوب

بئله دؤورانداكي، چوْخ گؤرمه‌لي بير دؤوران اوْلوب

مصلحت ايجاب ائدير سن شَكري دوز يازاسان

كيم دئييب اَيري‌ني، دوزوده دوز يازاسان؟!

بير زمان ديركي، بو گؤز دوز دئمير اصلاً اوْ گؤزه

زرپرست‌لر اَييليب، سجده قيليرلار اؤكوزه

وارلي تولكو كؤچورور يوْخسول اوْلان شيري ديزه

قويلانيب لعلِ بدخشان لئله، چؤپ چيخميش اوزه

سن‌ده مجبورسان، آي اوْغلان! اپيگي بئز يازاسان

كيم دئييب اَيرني، اَيري، دوزوده دوز يازاسان؟!

وقتي ديرسن‌ده يوخوندان اوْيانيب، ديك دوراسان

بوْشلاييب شعري، سؤزو، ياخشي كلك‌لر قوراسان

اللي ايل بوْش قالان اوْ جيب‌لري بير دوْلدوراسان

چوْخ يئييب، شاد ياشاييب، هر طرفه باش ووراسان

گئجه‌ني، شرطي بودور كي، بالا! گوندوز يازاسان

شاعر اوْغلان، نه گرَكدير سنه، دوزسؤز يازاسان؟

كيم دئييب اَيري‌ني، اَيري، دوزوده دوز يازاسان؟!

+ نوشته شده در  شنبه بیست و چهارم تیر ۱۳۹۶ساعت 7:16  توسط حميدآرش آزاد  | 
دئدي،دوزسؤز,يازاسان؟,شعرطنز,حمید,آزاد,...
نویسنده : بازدید : 4 تاريخ : دوشنبه 30 مرداد 1396 ساعت: 5:13

close
تبلیغات در اینترنت